மந்திரச்சொல்
உங்களால் முடியும் என்று ஊக்கப்படுத்தும் மனிதர்களுடன் பழகுங்கள். அவர்கள் தான் பிரச்சனைக்குத் தீர்வு கண்டுபிடிக்க உதவுவார்கள்.
ஒரு புத்தகம் நமக்கு அறிவைத் தரலாம். ஆனால், ஒரு நல்ல மனிதர் நமக்குள் உயிரோட்டத்தைத் தருகிறார்.
தன்னம்பிக்கைப் புத்தகங்களில் “நம்பிக்கை கொண்டு வாழுங்கள்”, “தோல்வியை அஞ்சாதீர்கள்”, “முன்னேறுங்கள்” என்று எழுதப்பட்டிருக்கும். ஆனால் பாசிடிவ் மனிதர்கள் அதை வாழ்க்கையால் கற்றுக்கொடுக்கிறார்கள்.
சோர்வாக இருக்கும்போது, “பரவாயில்லை… இது கடந்து போய்விடும்” என்று உற்சாகப்படுத்துவார்கள்.
தோல்வியில் விழுந்தபோது, “நீ இன்னும் முடிந்து போகவில்லை” என்று கை பிடிக்கும் தூக்கிவிடுவார்கள்.
தவறு நடந்த நேரத்தில், “சரி செய்து கொள்ளலாம்” என்று நம்பிக்கை தருவார்கள்.
இவர்கள் தான் உயிருடன் நடமாடும் தன்னம்பிக்கைப் புத்தகங்கள்.
குறை கூறுபவர்கள் நடுவில் இருந்தால், நாமும் பயம், சந்தேகம், கோபம் ஆகியவற்றை கற்றுக்கொள்கிறோம். ஆனால் ஊக்கம் தருபவர்கள் அருகில் இருந்தால், நாமும் தைரியம், பொறுமை, நம்பிக்கை ஆகியவற்றை இயல்பாக கற்றுக்கொள்கிறோம்.
ஒரு விளக்கே இன்னொரு விளக்கை ஏற்ற முடியும். அதேபோல், ஒளியுள்ள மனுஷர்களே மற்றவர்களின் மனத்தையும் ஒளிரச் செய்கிறார்கள்.
பாசிடிவ் மனிதர்கள் என்றால் எப்போதும் சிரித்துக்கொண்டே இருப்பவர்கள் அல்ல.
அவர்களுக்கும் கஷ்டங்கள் இருக்கும். ஆனால் அவர்கள் கஷ்டத்தில் கூட நம்பிக்கையை இழக்கமாட்டார்கள். பிரச்சினையைப் பார்த்து பயமுறுத்தாமல், தீர்வை நோக்கி அழைத்துச் செல்வார்கள்.
அவர்களுடன் சில நிமிடங்கள் பேசினாலே மனசு லேசாகிவிடும். ஏனெனில் அவர்கள் நம்முடைய பலவீனத்தை அல்ல, இன்னும் விழிக்காத பலத்தைப் பார்க்கிறார்கள்.
ஒரு நல்ல நண்பன்,
ஒரு புரிந்துகொள்ளும் வாழ்க்கைத் துணை,
ஒரு ஊக்கமளிக்கும் ஆசிரியர்,
ஒரு நம்பிக்கை தரும் சக ஊழியர் வாழ்க்கையில் கிடைத்தால் அது ஒரு பெரிய வரம்.
அதனால் வாழ்க்கையை மாற்ற வேண்டும் என்றால், முதலில் உங்கள் சுற்றத்தை மாற்றுங்கள். நாம் யாருடன் அதிக நேரம் செலவிடுகிறோமோ, மெதுவாக அவர்களின் எண்ணங்கள் நம்முள் குடியேறத் தொடங்கும். அதனால் பாசிடிவ் மனிதர்களைத் தேடி பழகுங்கள். அவர்களின் வார்த்தைகள் மட்டும் அல்ல, அவர்களின் அணுகுமுறை கூட நம்மை மாற்றிவிடும்.
தன்னம்பிக்கை என்பது புத்தகத்தில் படித்து மட்டும் வருவதில்லை.
நம்மை நம்பும் மனிதர்களின் அருகில் இருந்தால் அது இயல்பாக மலர்கிறது.