ஒரு வார்த்தை ஆயிரம் அர்த்தங்கள்

தமிழுக்கு மரியாதை

தமிழில் ஓர் எழுத்து வார்த்தை. அந்த வார்த்தை பயன்படுத்தப்படும் இடத்தைப் பொறுத்து வெவ்வேறு அர்த்தம் தரக்கூடியது… என்ன வார்த்தை என்பது தெரியுமா?

கை என்பதுதான். சரியா..

மிகவும் சரி. கை என்பது மனித உறுப்பினைக் குறிக்கிறது. அதே சொல் எப்படியெல்லாம் பயன்படுகிறது தெரியுமா?

கை கொடுத்தான் என்றால் உதவினான் என்று அர்த்தம்.

கையைக் கடித்துவிட்டது என்றால் நட்டமாகி விட்டது என்று அர்த்தம்.

கை ரொம்பத் தாராளம் என்றால் ஊதாரித்தனமாக பணத்தை செலவு செய்பவர்.

கை சுத்தமில்லை என்றால் நேர்மை இல்லாதவன் என்று அர்த்தம்.

கையால் ஆகாதவன் என்றால் எதற்கும் பயன்படாதவன். இதேபோன்று இன்னமும் கைகூடி வரவேண்டும், அவனை கை கழுவு, கை விட்டுவிட்டான், ஒரு கை குறையுது, கைக்கு எட்டியது வாய்க்கு எட்டவில்லை என்று இடத்திற்குத் தகுந்தாற்போல் அர்த்தம் சொல்கிறது, கை’.