காயப்படுத்தாமல் சிரிக்க வையுங்கள்.

ஏப்ரல் 1 முட்டாள் தினம்

ஏப்ரல் 1 என்றதும் சின்னப் பிள்ளைகளுக்கு முகத்தில் சிரிப்பு தானாகவே மலர்ந்து விடும். இந்த நாள் உலகம் முழுவதும் சின்னச் சின்ன காமெடி கலாட்டாக்களுக்கும், நகைச்சுவை கபடங்களுக்கும் பிரபலமானது. ஏப்ரல் 1 என்று சொல்லி நண்பர்களையும் குடும்பத்தினரையும் ஏமாற்றுவது இந்த நாளின் முக்கிய அம்சம்.

இந்த நாளில் மக்கள் செய்யும் கலாட்டாக்கள் மிகவும் சுவாரஸ்யமாக இருக்கும். சிலர் போலியான செய்திகளை பரப்புவார்கள், சிலர் நண்பர்களை ஏமாற்றும் சிறிய ட்ரிக்ஸ் செய்வார்கள். உதாரணமாக, “இன்று பள்ளி விடுமுறை” என்று சொல்லி குழந்தைகளை மகிழ்ச்சியில் ஆழ்த்தி, பிறகு அது ஒரு ஜாலி என்று சொல்வது போல! ஆனால், இந்த எல்லா கலாட்டாக்களும் மற்றவர்களை காயப்படுத்தாமல், சிரிப்பை மட்டுமே ஏற்படுத்தும் விதமாக இருக்க வேண்டும் என்பதே முக்கியம்.

சமூக வலைதளங்களும் இந்நாளில் கலாட்டா செய்யும் இடமாக மாறிவிடுகின்றன. பல நிறுவனங்களும் கூட நகைச்சுவையான அறிவிப்புகள் வெளியிட்டு மக்களை சிரிக்க வைப்பார்கள். இது வேலைப்பளுவை மறக்கச் செய்து, மனதிற்கு ஒரு சிறிய ஓய்வை தருகிறது.

மொத்தத்தில், ஏப்ரல் 1 என்பது சிரிப்பையும் மகிழ்ச்சியையும் பகிர்ந்து கொள்ளும் ஒரு சிறப்பு நாள். வாழ்க்கையில் சிரிப்பு மிகவும் அவசியம் என்பதை நினைவூட்டும் இந்த நாள், எல்லோருக்கும் ஒரு இனிய அனுபவமாக மாறட்டும்.

முட்டாள் தினத்தின் வரலாறு பற்றிய சரியான தகவல் தெளிவாக இல்லையென்றாலும், இது பல நூற்றாண்டுகளுக்கு முன்பே ஐரோப்பாவில் தொடங்கியதாக நம்பப்படுகிறது.

அதாவது ஐரோப்பிய நாடுகளில் ஏப்ரல் 1 என்பதுதான் புத்தாண்டு துவக்கமாக கொண்டாடப்பட்டு வந்தது. 1562ம் ஆண்டு போப் கிரகோரி என்பவர் புதிய ஆண்டுத் துவக்கத்தை ஜனவரி 1ம் தேதி நடைமுறைப்படுத்தும்படி அறிவித்தார்.

இந்த மாற்றத்தை ஏற்றுக்கொள்ளாதவர்கள் அல்லது போப்பின் அறிவிப்பை நம்பாதவர்கள் ஏப்ரல் 1-ம் தேதியை தொடர்ந்து புத்தாண்டுப் பிறப்பாகக் கொண்டாடினார்கள். புதிய நாட்காட்டிக்கு மாறாதவர்களை கேலியும் கிண்டலும் செய்தது மட்டுமின்றி, அன்று புத்தாண்டு கொண்டாடுபவர்கள் முட்டாள்கள் என்றும் அறிவித்தார்கள். அவர்களுக்குப் பரிசு வழங்குவது போல் பெரிய பெரிய பார்சல்களில் குப்பை, கூளங்களைப் போட்டு அனுப்பி வைத்தார்கள். இதைப் பிரித்துப் பார்ப்பவர்கள் ஏமாந்து முட்டாளாவதைப் பார்த்து சிரித்தார்கள். இந்த நடைமுறைதான் இன்று உலகம் முழுவதும் ஏப்ரல் 1 என்பதை முட்டாள் தினமாக கொண்டாடப்படுகிறது.

அதனால் இன்று யாரும் ஏமாறவேண்டாம்… ஏமாற்றவும் வேண்டாம்.