சிம்பிள் டிப்ஸ்
இன்று திருமணம் முடிப்பதே பெரும் சிரமமாக இருக்கிறது. கணவன் – மனைவி ஒற்றுமையாக வாழ்வது அதை விட சிரமமாக இருக்கிறது. லட்சிய தம்பதியராக வாழ்வதற்கு ஆசைப்படுபவர்கள் 10 கட்டளைகளைக் கடைப்பிடித்தால் போதும்.
- உடல் ஆரோக்கியம், அழகு பாதுகாப்பதற்கு திருமணத்திற்குப் பிறகும் இருவரும் அக்கறை செலுத்த வேண்டும். பெண் குண்டாவதும், ஆண் தொப்பை போடுவதும் திருமண பந்தத்திற்கு பங்கம் விளைவிக்கின்றன.
- பழைய வாழ்க்கை, பழைய உறவு, பழைய நட்புகளை, கடந்தகாலத் தவறுகளை மறந்துவிட்டு, புதிய வாழ்க்கைக்கு மட்டும் உண்மையாக இருங்கள்.
- இரண்டு பக்க உறவுகளையும், நண்பர்களையும் ஒரே கண்ணோட்டத்தில் அணுகுங்கள். யாரையும் உயர்த்தவும் தாழ்த்தவும் வேண்டாம்.
- சின்னச்சின்ன சண்டை. கருத்துவேறுபாடு வருவது சகஜம். இதை தம்பதியரே பேசித் தீர்த்துக்கொள்ள வேண்டும். மூன்றாம் நபரை அனுமதிக்காதீர்கள்.
- யாரும், யாருக்கும் அடிமையாக இல்லாமல், நட்புடன் பழகுங்கள். பொது இடங்களில் உங்கள் துணையைப் பற்றி குற்றம் சொல்லாதீர்கள்.
- எத்தனை பிஸியாக இருந்தாலும் இருவரும் பேசிக்கொள்வதற்கு தினமும் அரை மணி நேரமாவது ஒதுக்குங்கள்.
- பணம் விஷயத்தில் ஒளிவு, மறைவு வேண்டாம். பண உதவி, கடன் போன்றவை ஒருவருக்குத் தெரியாமல் மற்றவர் செய்யக்கூடாது.
- யாருக்காகவும் யாரும் மாறவேண்டாம். பழக்கவழக்கங்களில் ஒரே நாளில் எந்த மாற்றமும் நிகழாது என்பதை புரிந்துகொள்ளுங்கள்.
- தினமும் ஒரு முறையாவது ஒருவரையொருவர் பாராட்டுங்கள். அவ்வப்போது பரிசு கொடுங்கள்.
- எந்த ஒரு எதிர்காலத் திட்டத்துக்காகவும் தாம்பத்திய உறவை தள்ளிப்போடாதீர்கள். விரைவில் குழந்தை பெற்றுக்கொள்ளுங்கள்.
இவற்றை கடைப்பிடித்தால் வாழ்க்கை சுலபமாக இருக்கும். மகிழ்ச்சியுடன் வாழுங்கள்.