மாம்பழம் உடல் சூட்டை அதிகரிக்குமா..?

கோடை ட்ரீட்

மாம்பழம் சாப்பிட்டால் உடல் சூடு அதிகரிக்கும்” என்பது பரவலாக சொல்லப்படும் கருத்து. இதில் ஒரு அளவுக்கு உண்மை இருந்தாலும், அது எல்லோருக்கும் ஒரே மாதிரி பாதிப்பை தரும் என்றில்லை.

ஏன் மாம்பழம் சூடு தருகிறது ?

மாம்பழத்தில் இயற்கை சர்க்கரை (fructose), கலோரி, சில அமிலத் தன்மைகள் அதிகமாக உள்ளன. அதனால் அதிகமாக சாப்பிட்டால் உடலில் வெப்ப உணர்வு ஏற்படலாம். சிலருக்கு வாய்ப்புண், முகப்பரு, அஜீரணம் ஏற்படலாம். உடலில் ஏற்கனவே “பித்தம்” அதிகம் இருப்பவர்களுக்கு சற்று அசௌகரியம் தோன்றலாம். ஆனால் இது மருத்துவ ரீதியில் உடல் வெப்பம் அபாயகரமாக உயர்கிறது என்பதல்ல.

மாம்பழம் சாப்பிடுவது நல்லதா?

அளவோடு சாப்பிட்டால் மாம்பழம் மிகவும் நல்ல பழங்களில் ஒன்று.மாம்பழத்தில் Vitamin C மற்றும் Vitamin A நிறைந்துள்ளதால் நோய் எதிர்ப்பு சக்தி அதிகரிக்க உதவும். Beta-carotene அதிகம் இருப்பதால் கண் ஆரோக்கியத்திற்கு உதவுகிறது. இதில் இருக்கும் நார்ச்சத்து மற்றும் enzymes ஜீரணத்தை மேம்படுத்துகின்றன.

ஆண்டி-ஆக்ஸிடன்ட்கள் இருப்பதால் தோல் செல்களை பாதுகாக்க உதவும். இயற்கை சர்க்கரை இருப்பதால் உடனடி எனர்ஜி கிடைக்கும்.

யார் கவனமாக சாப்பிட வேண்டும்?

• நீரிழிவு உள்ளவர்கள் அளவோடு சாப்பிட வேண்டும்
• உடல் எடை குறைக்க முயற்சிப்பவர்கள் அதிகமாக சாப்பிடக் கூடாது
• வாய்ப்புண், acidity பிரச்சனை உள்ளவர்கள் மிக அதிகமாக எடுத்துக்கொள்ள வேண்டாம்

ஒரு நாளுக்கு 1 அல்லது 2 மாம்பழம் போதுமானது. மதிய நேரத்தில் சாப்பிடுவது நல்லது. இரவு நேரத்தில் அதிகமாக சாப்பிட வேண்டாம். தயிர், பால், நட்டுகள் சேர்த்து எடுத்துக்கொண்டால் சமநிலை இருக்கும்

மாம்பழம் ஒரு “கெட்ட பழம்” அல்ல. அளவுக்கு மீறி சாப்பிடும்போது தான் சிலருக்கு பிரச்சனைகள் வரும். சரியான அளவில் எடுத்துக்கொண்டால் அது கோடைக்காலத்தின் மிகச் சிறந்த சத்தான பழங்களில் ஒன்றாகவே கருதப்படுகிறது.

முக்கனிகளில் ஒன்றாக போற்றப்படும் மாம்பழம் உடலுக்குஆரோக்கியம் தருவதுடன் ஆயுளையும் நீட்டிக்கும் தன்மை கொண்டது. இதுதான் மாம்பழ சீஸன் என்பதால் கண்டிப்பாக சாப்பிடலாம்.. மாம்பழத்தில் சர்க்கரை, புரதம், வைட்டமின்கள், நீர்ச்சத்து, நார்ச்சத்து, மாவுப்பொருள், சுண்ணாம்பு சத்து, கொழுப்புச்சத்து, புரதம் போன்றவை நிரம்பியே உள்ளன.