ஆசை நெஞ்சில் தீயாக எரியும்போது, அதை எப்படி அணைப்பது..?

ஞானகுரு ;

உங்களுடைய ஆசையைத் தூண்டும் வகையில் செல்போன்களும், தொலைக்காட்சிகளும் நாளிதழ்களும் கூவிக்கூவி அழைக்கலாம். 20 ஆயிரத்துக்கு விற்பனை செய்யப்பட்ட செல்போன், ஆடி மாத தள்ளுபடியாக 15 ஆயிரத்துக்கு கிடைக்கிறது என்று ஆசை காட்டுவார்கள். உங்களுடைய செல்போன் நன்றாக வேலை செய்யும்போது, இன்னொன்று வாங்குவது முட்டாள்தனம் என்பதை உங்களுக்கு நீங்களே சொல்லிக்கொள்ளுங்கள். ஹோட்டல் பஜ்ஜி சுவை நாக்கில் எச்சில் ஊறும்போது, நெஞ்சுக் கரிப்பு ஏற்படும் என்பதையும் வைத்தியருக்கு செலவழித்த பணத்தையும் ஞாபகம் கொள்ளுங்கள். ஆசைத் தீ எரியும் போது, இப்போதே இதை நிறைவேற்றத்தான் வேண்டுமா என்று ஒரே ஒரு கேள்வி கேட்கும் மனப்பான்மையை வளர்த்துக்கொள்ளுங்கள். அதுவே, தீயை அணைக்கும் நீர்.