சிம்பிள் ஆரோக்கியம்
உடற்பயிற்சி செய்யத் தொடங்குவதற்கு வயது வரம்பு எதுவும் கிடையாது. அதேபோல் உடற்பயிற்சியை நிறுத்துவதற்கும் வயது கிடையாது. ஆனால், எந்த மாதிரியான உடற்பயிற்சியை எந்த வகையில் செய்கிறோம் என்பதே முக்கியம். நமது உடல் நல்ல முறையில் இயங்க வேண்டுமென்றால் அதற்கு சில முன் பயிற்சிகளை மேற்கொள்ள வேண்டியது அவசியம்.
ஒவ்வொரு வயதிற்கும் ஏற்ற உடற்பயிற்சிகள் உள்ளன. எல்லோரும் எல்லா பயிற்சிகளையும் செய்ய முடியும் என்றாலும் கொஞ்சம் கால வித்தியாசம் உண்டு. பொதுவாக, 28 முதல் 68 வயதுடையவர்களுக்கான உடற்பயிற்சி வகைகளையும், அதற்கான கால அவகாசத்தையும் தெரிந்துகொள்ள வேண்டியது அவசியம். அதிலும், 65 வயதைக் கடந்தவர்கள், உடலின் ஸ்டமினா கோருவதைப் பொறுத்து கால அளவை நிர்ணயித்துக்கொள்ளலாம்.
* 35 முதல் 45 நிமிட நடைப்பயிற்சி மற்றும் நடைப்பயிற்சியின் இறுதியில் ஐந்து நிமிட மூச்சுப் பயிற்சி.
* 30 நிமிட நடைப்பயிற்சியின் முடிவில் 5 நிமிட புல் அப்ஸ்.
* 30 நிமிட நடைப்பயிற்சியின் முடிவுல் 15 நிமிட யோகா.(தேர்ந்தெடுத்த ஆசனங்கள் மட்டும்).
* ஏரோபிக் உடற்பயிற்சி எனில் 35 நிமிடங்கள், 5 நிமிட அமைதியாக இருத்தல்.
* அவுட்டோர் சைக்கிளிங் என்றால் 30 நிமிடம்.
* உடற்பயிற்சி எந்திரங்களில் ஏரோபிக் பயிற்சி என்றால் 30 நிமிடம்.
* டிரெட் மில் எனில் 15 +15 நிமிடங்கள். இரண்டு நிமிட இடைவெளியுடன்.
* நீச்சல் பயிற்சி – வார்ம் வாட்டர் பூல் எனில் 30 நிமிடங்கள், நார்மல் வாட்டர் எனில் 45 நிமிடங்கள்.
* படிக்கட்டுகளில் ஏறி இறங்குவது – 30 நிமிடங்கள் (50 வயதுக்கு உட்பட்டவர்கள் மட்டும், மூட்டுவலி பிரச்சினை இல்லாதவர்கள் செய்யலாம். அடுக்கங்களில் 150 படிக்கட்டுகள் ஏறி இறங்கலாம்).
* பேட்மிட்டன், டென்னிஸ், டேபிள் டென்னிஸ், வாலிபால், ஃபுட்பால், ஸ்குவாஸ் போன்ற விளையாட்டுகள் எனில் குறைந்தது 1 மணிநேரம்.
குறிப்பு: இந்த பயிற்சிகள் எல்லாவற்றையும் தினமும் செய்ய வேண்டும் என்பதில்லை. அதில் உங்களுக்கு எது ஏற்றதாக இருக்குமோ, அதைத் தேர்ந்தெடுத்து அதை மட்டும் பயன்படுத்தினால் போதுமானது.
