கேள்வி : மனிதர்கள் எந்த இடத்தில் அதிகம் ஏமாறுகிறார்கள்..? – என்.வினோத்குமார், குற்றாலம்.

ஞானகுரு ;

அழகு என்பதை நம்பியே மனிதர்கள் அதிகம் ஏமாறுகிறார்கள். அழகான நடிகர், நடிகைகள் பற்றி என்ன எழுதினாலும் படிக்கிறார்கள், அவர்கள் என்ன படம் நடித்தாலும் பார்க்கிறார்கள். அழகாக எடுக்கப்பட்ட விளம்பரத்தைப் பார்த்ததும் அந்த பொருளை வாங்குகிறார்கள். 18 நாளில் சிவப்பழகு கிரீம் என்று சொன்னதை நம்பி 18 வருடங்களாக ஏமாந்துகொண்டே இருக்கிறார்கள்.

வாழ்க்கையிலும் அழகை எதிர்பார்க்கிறார்கள். பட்டாம்பூச்சியை யாராவது நசுக்கினால் அவரை கொடூரமானவராகப் பார்க்கிறார்கள். கரப்பான் பூச்சியைக் கொல்பவரை ஹீரோவாகப் பார்க்கிறார்கள்.  அழகான கையெழுத்து இருந்தால் நிறைய மதிப்பெண் போடுகிறார்கள். அழகான மனைவி அமைவதை யோகம் என்று நினைக்கிறார்கள். அழகான நெக்லஸ் வாழ்க்கையை அழகாக்குவதாக பெண் நினைக்கிறாள். அழகான கப்பில் டீ குடித்தால் அது ரொம்ப சுவையாக இருப்பதாக நினைக்கிறார்கள். உண்மைக்கும் அழகுக்கும் ரொம்பத் தூரம் என்பதை பலரும் உணர்வதில்லை.