கேள்வி : என் மகள் 10ம் வகுப்பு வரை பெண்கள் பள்ளியில் பயின்றாள். இப்போது வேறு பள்ளியில் சேர்க்க வேண்டியுள்ளது. மீண்டும் பெண்கள் பள்ளியில் சேர்ப்பது நல்லதா அல்லது இருபாலர் பள்ளியில் சேர்க்கவா? – எஸ்.நாகராஜ், நாகர்கோவில்.

ஞானகுரு :

இன்று வீட்டுக்கு ஒரு பிள்ளை மட்டுமே இருக்கும் நிலை வந்துவிட்டது. எனவே, ஆண் என்பவன் சக மனிதன் என்பதைப் புரிந்துகொண்ட பெண்ணாக உன் மகள் வளரவேண்டும் என்று நினைத்தால் இருபாலர் பள்ளியில் சேர்த்துவிடுங்கள். பெண்கள் மட்டும் படிக்கும் கட்டுப்பாடுகள் அதிகம் இருக்கலாம். ஆனால், ஆணை அதிசயமாகக் கருதிவிடுவாள். இதுவே, அவளுக்கு அதிக ஆர்வத்தையும் சிக்கலையும் உருவாக்கிவிடும். ஒரு பாலர் பள்ளிகளை இழுத்து மூடுவதே மனிதகுலத்துக்கு நல்லது.