வார்த்தைகளே வரம்
காய்ந்துகிடக்கும் பொட்டல் காட்டில் ஒரே ஒரு மழையில் ஒட்டுமொத்த புற்களும் வளர்ந்துவிடும். அப்படித் தான் சின்னச்சின்ன வார்த்தைகள் மனிதர்களின் வாழ்க்கையையும் மனநிலையையும் மாற்றிவிடக் கூடும். அப்படி காலத்தால் அழியாத சில குட்டிக் குட்டி தத்துவங்கள் இங்கே.
- ஒரு விவாதம் நீண்டு கொண்டே போகிறது எனில் அதில் பங்கு கொண்ட இரு தரப்பினர் மீதும் குற்றம் இருக்கிறது என்பது பொருள். – வால்டேர்
- அழகான ஒன்று கிடைத்தவுடன் அதைவிட அழகானதைத் தேடாதீர்கள். இரண்டையும் இழந்து விடுவீர்கள்.. – ஷேக்ஸ்பியர்
- இயற்கையுடன் உறவை மனிதர் இழக்கும்போது, கோவில்கள், மசூதிகள் மற்றும் தேவாலயங்கள் முக்கியத்துவம் பெறுகின்றன. – ஜே.கிருஷ்ணமூர்த்தி
- மறைந்தவர் பற்றி நல்லதை பேச வேண்டியது அவசியமல்ல, உயிருடன் இருப்பவர்களைப் பற்றி நல்லதாகப் பேசுவதே முக்கியம். – டால்ஸ்டாய் ~
- எவரொருவர் தன்னிடம் இருப்பதில் மகிழ்ச்சி அடையவில்லையோ, அவர் எது கிடைத்தாலும் மகிழ்ச்சியடைய மாட்டார். – ஓஷோ
- எல்லா குற்றங்களுக்கும் அடிப்படைக் காரணமாக இருப்பது மனிதர்கள் நேசிக்கபடாமல் புறக்கணிக்கப்படுவதே – தஸ்தாயெவ்ஸ்கி
- மரணம் மட்டும்தான் எல்லா காலத்திலும் நிச்சயிக்கப்பட்ட உண்மை. மற்றவை எல்லாமே மாறக்கூடியவை – ஏங்கெல்ஸ்
- பிச்சைக்காரர்கள் ஒருபோதும் கோடீஸ்வரர்களைக் கண்டு பொறாமைப்படுவதில்லை, தன்னை விட அதிகமாய் பிச்சை எடுப்போரைக் கண்டு தான் பொறாமைப்படுகிறார்கள் – ரஸ்ஸல்
- யார் என்ன சொல்வார்கள் என்று நீங்கள் நினைக்கு ஒவ்வொரு நொடியும் உங்கள் வாழ்க்கை பறிபோகிறது. – கெளதமபுத்தர்.
- எதற்கும் தயாராக இருப்பவர்களால் மட்டுமே வாய்ப்புகள் வரும்போது பற்றிக்கொள்ள முடியும். – ஆபிரஹாம் லிங்கன்.
- நமது வாழ்வு நிரந்தரமாக இருக்க வேண்டும் என்ற எண்ணமே மனித துன்பத்திற்கு காரணம். நிரந்தரம் என்று எதுவும் இங்கு இல்லை. –
- யு.ஜி. கிருஷ்ணமூர்த்தி
- எறும்பு, ஈ, கொசுக்களை விட எந்த ஒரு பெரிய நோக்கத்திற்காகவும் மனிதர்கள் படைக்கப்படவில்லை. – யு.ஜி. கிருஷ்ணமூர்த்தி
