சிம்பிள் மெடிசின்
இன்று நூற்றுக்கு எண்பது பேர் கண்ணாடி போடும் நிலைக்கு ஆளாகியிருக்கிறார்கள். இதற்கு காரணம், கண்களை பாதுகாக்கும் விஷயங்களுக்கு அவர்கள் எந்த அக்கறையும் எடுத்துக்கொள்வதில்லை என்பதுதான். இதற்காக பிரத்யேக உணவு, மருந்துகள் வேண்டியதில்லை. ஆம், தினமும் நாம் சாப்பிடும் உணவு வகையினில் கண்களுக்குத் தேவையானதை மறக்காமல் எடுத்துக்கொள்ள வேண்டும்.
வறண்ட கண்களுக்கு மீன் எண்ணெய் நல்ல பலன் கொடுக்கும் என்பதை அறிவீர்கள். உணவில் மீன் எண்ணெயைச் சேர்க்கவும் முடியும். அதற்காக, ஒமேகா -3 கொழுப்பு அமிலங்களுக்கு உணவு உங்கள் முக்கிய ஆதாரமாக இருக்க வேண்டும். சால்மன், அல்பாகூர் டுனா, கானாங்கெளுத்தி போன்ற கொழுப்பு நிறைந்த மீன்களை சாப்பிடுவதன் மூலம் அவற்றைப் பெறலாம். வாரம் இரு முறையாவது மீன் சாப்பிடுவதன் மூலம் கண்களின் வறட்சித்தன்மை நீங்கிவிடும்.
பச்சைக் காய்கறிகளில் வைட்டமின் A மற்றும் வைட்டமின் C யும், இரும்பு மற்றும் கால்சியம் சத்துகளின் முதன்மை ஆதாரங்களும் அடங்கியுள்ளன. இவை கண்களுக்கு மிகவும் நல்லது. தினமும் எதாவது ஒரு கீரை வகை சேர்ப்பது உடல் நலத்துக்கு ஏற்றது.
குறைந்த பட்சம் இரண்டு நாட்களுக்கு ஒரு முறையாவது கீரையை உணவில் சேர்த்துக்கொள்ள வேண்டும். அகத்திக் கீரை, பசலைக் கீரை, முருங்கை, பொன்னாங்கன்னி, முளக்கீரை, அரைக்கீரை, வெந்தயக் கீரை ஆகிய கீரைகளில் இரும்பு, போலிக் ஆசிட் மற்றும் வைட்டமின் பி12 ஆகிய சத்துக்கள் அடங்கியிருப்பதால் இவற்றை அதிகம் சேர்த்துக் கொள்வது நல்லது.
பச்சைக் காய்கறிகளுடன் சாலட் மற்றும் எலுமிச்சை நம் பார்வையை பெரிதும் கூர்மையாக்குகிறது. வைட்டமின் A’ யில் கண்ணையும், மூளையையும் இணைக்கும் முக்கிய சத்து அடங்கியுள்ளது. கண் விழித்திரையிலுள்ள ரோடோஸ்பின் என்ற புரதத்தில் வைட்டமின் ஏ உள்ளது. பார்வையில் இது முக்கிய பங்கு வகிக்கிறது.
வைட்டமின் ஏ சத்து பற்றாக்குறையால் முதலில் தோன்றும் அறிகுறி மாலைக்கண் நோய். காரட்டில் அதிகமான வைட்டமின் ஏ உள்ளது. வைட்டமின் ஏ வாக நம் உடலில் மாற்றம் அடையும் பீட்டா கரோடின் மற்றும் அதிநிற பழங்களிலும், பச்சைக் காய்கறிகளிலும் வைட்டமின் ஏ உள்ளது.
தக்காளி, பசலை, லிவர், முட்டை, நிறமயமான காய்கறிகள், கேரட், பப்பாளி மற்றும் பச்சை இலைகளில் உள்ளது. உடலில் அதிகமாக சுரக்கும் குளூக்கோஸினால் கண்களின் லென்ஸ் சேதமடைவதிலிருந்து புரத அமிலங்கள் நம்மை காக்கின்றன.
இறைச்சி, மீன் மற்றும் பாலில் நமக்குத் தேவையான 8 முக்கிய அமினோ அமிலங்கள் உள்ளன. அரிசி, பட்டாணி, பீன்ஸ், அவரை, மொச்சை, துவரை, உளுந்து பயறு போன்றவற்றில் இறைச்சியில் உள்ள அளவுக்கு அமினோ அமிலங்கள் உள்ளன. சரிவிகித உணவுகளை எடுத்துவந்தாலே, கண் ஆரோக்கியத்தைப் பாதுகாக்க முடியும்.
