நன்மைகள் அள்ளித்தரும் புத்தாண்டு

ஏப்ரல் 14 – பிராபவ வருடம்

இன்று தமிழ் புத்தாண்டின் முதல் நாள். இந்த ஆண்டு பராபவ தமிழ் புத்தாண்டு ஆகும், இது சித்திரை முதல் நாளில் முறைப்படி பிறக்கிறது. 2057-வது திருவள்ளுவர் ஆண்டு.

நம் முன்னோர்கள் சூரியனை வைத்துத்தான் காலத்தைக் கணக்கிட்டார்கள். இதனையே திருக்கணித முறை என்கிறார்கள். இதன்படி சித்திரை முதல் நாளில்தான் சூரியன் மேஷ ராசியில் நுழைகிறது. அதனால் இன்றைய தினத்தை தமிழ் புத்தாண்டாக மக்கள் ஆனந்தமாக கொண்டாடுகிறார்கள்.

சூரியனை பிரதானமாகக் கொண்ட இந்த காலண்டர் நடைமுறையை நாம் மட்டும் பின்பற்றவில்லை, இந்தியாவில் ஒரிசா, மேற்கு வங்காளம், மணிப்பூர், பஞ்சாப், அசாம் போன்ற மாநிலங்களிலும் இன்று புத்தாண்டாக கொண்டாடுகிறார்கள்.  தமிழ்ப் புத்தாண்டு திருக்கணித முறையின்படி மொத்தம் 60 ஆண்டுகள் இருப்பதாக கணிக்கப்பட்டுள்ளது. அதன்படி இன்று பராபவ வருடம் தொடங்குகிறது. இந்த வருடத்தில் நல்ல மழை இருக்கும், தானியங்கள் ஏராளமாக விளையும் என்றும் மக்களுள் சுகமாக வாழ்வார்கள் என்று இந்த ஆண்டுக்கான பாடல் தெரிவிக்கிறது.

இந்த 60 வருடங்களும் நாரதரின் குழந்தைகள் என்று சொல்வார்களே…

ஆம், உலக வாழ்க்கையை வாழ்ந்துபார்க்க விரும்பிய நாரதர் பெண்ணாக மாறியதாகவும், அவர் கிருஷ்ணருடன் கூடி பிரபவ தொடங்கி அட்சய வரையிலான 60 பிள்ளைகள் பெற்றதாகச் சொல்வார்கள். இந்தப் பிள்ளைகளின் 60 பெயர்களும் தமிழ் ஆண்டுகளாக குறிக்கப்படுகின்றன. இன்றைய தினத்தில் நம் மக்கள் அனைவருக்கும் இன்பம் பொங்கும் புத்தாண்டு வாழ்த்துக்களை தெரிவித்துக் கொள்வோம்.