ஞானகுரு :
பயிற்சியும் முயற்சியுமே விரும்பும் பலன் தரக்கூடியவை. மைதானத்தில் இரவும் பகலும் ஆர்வத்துடன் பயிற்சி எடுப்பவனே, விளையாட்டு வீரனாக வர முடியும். அதுபோல் சொல், செயல், சிந்தனை மூன்றும் ஒன்றிணைந்து செயல்பட்டால், இவ்வுலக வாழ்க்கையில் பற்றற்ற நிலையில் செயல்பட முடியும். வாழ்க்கையின் மீது பற்றும் ஒட்டுதலும் இல்லாதவனுக்கு வெற்றியும் தோல்வியும் ஒன்றுதான். ஜனனமும் மரணமும் சமம்தான். பசியும் அவமதிப்பும் துன்பம் தராது. இதைத்தான் நீங்கள் விரும்புகிறீர்கள் என்றால், முயற்சி செய்து பாருங்கள்.
இன்றைய சூழலில் சித்தனாக வாழ்வதற்கு கானகம் செல்லவேண்டும் என்ற அவசியம் இல்லை. உங்கள் வீட்டில் இருந்துகொண்டே, உங்கள் உறவுகளுடன் வாழ்ந்துகொண்டே சித்தராகவும் வாழ்க்கையை நகர்த்த முடியும். இன்னொன்று நிம்மதி என்பது பிறரிடம் இல்லை, உங்களிடம் மட்டுமே இருக்கிறது என்பதை புரிந்துகொண்டாலே போதும், அதுவே சித்தர் நிலை.