கவிதை என்பது கண்ணீரின் மூச்சு

கவித்துவம் 4

நிறைய நிறைய எழுதவேண்டிய ஒரு வாழ்க்கையை, சில வரிகளில் அடக்குவதே கவிதை. இது, சொல்ல முடியாத வலிக்கு மொழி கொடுக்கும். மறந்துபோன நினைவுகளை மீண்டும் உயிர்ப்பிக்கும். கண்ணீரை வார்த்தைகளாக மாற்றிவிடும்.  

ஒரு நல்ல கவிதை படிக்கப்படுவதில்லை, அது மனதுக்குள் இறங்கி உணரப்படுகிறது. சொற்கள் முடியும் இடத்தில் தொடங்குவதுதான் கவிதை. அப்படிப்பட்ட சில கவிதைகள் இங்கே

இடைவெளி

ஒவ்வொன்றையும்

நன்றாக பார்க்க

அது அதற்கான

இடைவெளிகள் வேண்டும்

சில சமயம்

காலத்தின் இடைவெளிகள்

சில சமயம்

தூரத்தின் இடைவெளி

• சுந்தர ராமசாமி

நிம்மதி

பணம் நிம்மதி தராது என்று

எந்த ஏழையும் சொன்னதில்லை

நிம்மதி தராத

அந்த பணத்தை இழக்க

எந்த பணக்காரனும் தயார் இல்லை

• கண்ணதாசன்