உளவியல் ஆலோசனை
காதல் புனிதமானது. நம்பிக்கை என்பதன் அடிப்படையில் காதல் உருவாகிறது. அதேநேரம் இன்று பணம் பறிக்கவும், இன்பம் அனுபவிக்கவும் திட்டமிட்டு காதல் செய்து ஏமாற்றும் இளைஞர்களும் இருக்கவே செய்கிறார்கள். இப்படிப்பட்ட போலி காதலனை அடையாளம் கண்டுபிடிக்க ஆறு வழிகள் உள்ளன.
- யாருக்கும் தெரியாமல் ரகசியமாகக் காதலிப்பவரை நம்பாதீர்கள். தோழர்கள், உறவினர்களிடம் தைரியமாக அறிமுகம் செய்துவைக்காமல், ரகசியமாக உறவு தொடர்வதற்கு என்ன காரணம் சொன்னாலும், அவர் நிச்சயம் சரியான நபர் இல்லை.
- அழகாக இருக்கிறாய் என்ற பாராட்டு எல்லா பெண்களுக்கும் பிடிக்கும். அதற்காக தேவையில்லாத நேரங்களிலும் அடிக்கடி அழகை பாராட்டுகிறார் என்றால் எச்சரிக்கையாக இருங்கள். அறிமுகத்துக்கு மட்டுமே அழகு தேவை. அதன் பிறகும் அழகை பொய்யாகப் புகழ்பவர் சீட்டிங் நபராக இருக்கலாம்.
- நீ என்னை புரிந்து கொண்டதை போல் என்னை யாரும் புரிந்துகொண்டே இல்லை என்று ஒருவர் சொல்வது அப்பட்டமான பொய். ஏனென்றால். யாரும் யாரையும் முழுமையாக புரிந்துகொள்ளவே முடியாது. இது, ஒரு கவிழ்ப்பதற்காக கூறப்படும் வார்த்தைகள்.
- காதலுக்காக உயிரைக் கொடுப்பேன் என்பது உணர்வு பூர்வமான மிரட்டல். பக்குவம் அடையாதவர், பிளாக்மெயில் செய்பவரே இப்படி பேசுவார்கள்.
- எல்லா நேரமும் சந்திப்பதற்கு முன்கூட்டியே வந்து காத்திருக்கிறார் என்றால் அவரை சந்தேகப்படுங்கள். காலதாமதம் பல நேரங்களில் தவிர்க்க முடியாதது. அப்படி இல்லாமல் காதலுக்காக முழு நேரத்தையும் ஒதுக்கி காத்திருக்கிறார் என்றால் அவர் தப்பான நபர்.
- சம்பாதிக்கும் அளவுக்குத்தான் செலவழிக்க வேண்டும். ஆடம்பரத்தைக் காட்டி மயக்கும் நபரிடம் எச்சரிக்கையாக இருங்கள்.
இந்த 6 அடையாளங்களில் இரண்டுக்கும் மேலாக உங்கள் காதலரிடம் இருந்தால் உஷாராகி தப்பித்துவிடுங்கள். மகிழ்ச்சியுடன் வாழுங்கள்.