லேடீஸ் ஸ்பெஷல் பியூட்டி
அழகு பொருட்கள் அனைத்திலும் கற்றாழை சேர்க்கப்படுவதை அறிந்தே இருப்பீர்கள். ஆனால், அதனை எப்படி பயன்படுத்துவது என்பதுதான் பலருக்கும் தெரியாது. சருமத்திற்கு அழகு தருவதில் கற்றாழைக்கு நிகரான ஒன்று எதுவும் இல்லை. ஆம், கற்றாழை மூலம் மாசு மருவில்லா பொலிவான சருமத்தை பெறுவது எப்படி? என அறிந்து கொள்ளுங்கள்.
செடியில் இருந்து நல்ல ஆரோக்கியமான சதைப் பற்றான கற்றாழையின் ஒரு இலையை மட்டும் கத்தரித்து எடுத்துக்கொள்ள வேண்டும். பின்னர் அதில் இருக்கும் முட்களை நீக்கிவிட்டு அதன் சாற்றுப்பகுதியை முகத்தின் பக்கவாட்டில் பூசிக்கொள்ளவும். இதில் கொஞ்சம் பாதாம் எண்ணெய் சேர்த்து முகம் மற்றும் கழுத்துப்பகுதியில் இரவு படுக்கச்செல்லும் முன் தடவிக்கொள்ளவும். இரவு அப்படியே விட்டு விட்டு காலை எழுந்ததும் கழுவினால் பளீச் கிடைக்கும்.
அதே போன்று எண்ணெய் பசை மிக்க சருமம் எனில், உங்கள் சருமத்தில் இருந்து கூடுதல் எண்ணெயை, பருக்களை அகற்ற உதவும் கற்றாழை மாஸ்க் எளிதில் தயாரிக்கலாம். ஒரு கோப்பையில் கற்றாழை சாற்றை எடுத்துக்கொள்ளவும். அதில் 10 முதல் 12 சொட்டு டீ டிரி ஆயில் விடவும். காலங்காலமாக எசன்ஷியல் எண்ணெய்கள் சருமம் மற்றும் கூந்தல் பராமரிப்பிற்கு பயன்படுத்தப்பட்டு வருகிறது. குறிப்பாக அரோமாதெரபியில் பலவகையான எசன்ஷியல் எண்ணெய்கள் உபயோகப்படுத்தப்படுகிறது. தேயிலை மற்றும் அதன் தண்டு பகுதியை பயன்படுத்தி தயாரிக்கப்படுவதுதான் டீ ட்ரீ ஆயில். இதில் ஆண்டிஃபங்கல், ஆண்டிசெப்டிக், ஆண்டிஇன்ஃப்ளமேட்ரி, ஆண்டிபாக்டீரியல் மற்றும் உடல் எதிர்ப்பு சக்தியை தூண்டக்கூடிய தன்மை இதற்கு உண்டு.
டீ ட்ரீ ஆயில் எல்லாவகை சருமத்திற்கும் ஏற்ற வகையில் தயாரிக்கப்படுகிறது. முகப்பரு, கொப்புளம் போன்றவற்றை உண்டாக்கும் கிறுமிகளை அழிக்கும் தன்மை இதற்கு உண்டு. முகத்தில் கருமை, அரிப்பு போன்றவற்றை தடுக்கும். முகத்தை ஈரப்பதத்துடன் வைத்திருக்கும். நகங்களை ஆரோக்கியமாக வைக்க உதவும் இந்த எண்ணெய் மேக்கப் ரிமூவராகவும் பயன்படுத்தலாம். ஆகவே கற்றாழை சாற்றில் டீ ட்ரீ ஆயிலை நன்றாக கலந்து கொள்ளவும். இந்த கலவையை இரவு படுக்கச் செல்லும் முன், முகத்தில் பூசிக்கொண்டு, காலையில் கழுவிக்கொள்ளவும். வாரம் ஒரு முறை இவ்வாறு பயன்படுத்தவும்.
உலர் சருமத்திற்கு: உலர் மற்றும் மங்கலான சருமத்தை மென்மையான சருமமாக மாற்ற, கற்றாழை, தேன் மற்றும் வெள்ளரி கொண்ட பேஸ் மாஸ்கை தயார் செய்யவும். இந்த மூன்று பொருட்களுமே நீர்த்தன்மை அளிக்க கூடியவை. இவற்றை பயன்படுத்தும் போது, சருமம் மென்மையாகி பொலிவு பெறுகிறது. ஒரு வெள்ளரி, ஒரு ஸ்பூன் தேன் மற்றும் கொஞ்சம் கற்றாழையை சேர்த்து நன்றாக கலக்கவும். இந்த கலவையை பூசிக்கொண்டு 20 நிமிடம் விட்டு பின்னர் கழுவிக்கொள்ளவும்.
கற்றாழை மற்றும் வாழைப்பழம் மாய்ஸ்சரைசிங் தன்மை மற்றும் பளபள வைக்கும் பேஸ் மாஸ்க். இது எல்லா வகையான சருமத்திற்கும் குறிப்பாக, வழக்கமான, எளிதில் பாதிக்கும் சருமத்திற்கு மிகவும் ஏற்றது. இது சருமத்தை எரிச்சலில் இருந்து விடுவித்து, சருமத்தின் எலாஸ்டிக் தன்மையை மேம்படுத்துகிறது. ஒரு கோப்பையை வாழைப்பழத்தை மேஷ் செய்து, 2 ஸ்பூன் கற்றாழை மற்றும் சில தொட்டு பன்னீர் விடவும். இதை நன்றாக கலந்து, முகத்தில் பூசிக்கொள்ளவும். உலர்ந்த பிறகு கழுவிக்கொள்ளவும்.
உங்கள் சரும நல பராமரிப்பில் கற்றாழையை பயன்படுத்த மற்றொரு வழி, கற்றாழையை மூலப்பொருட்களில் ஒன்றாக கொண்ட அழகு சாதன பொருட்களை பயன்படுத்துவதாகும்.
கற்றாழை நலன் கொண்ட, லீவர் ஆயுஷ் ஆலோ வேரா ஆயில் கிளியர் பேஸ் வாஷ் கொண்டு உங்கள் முகத்தை கழுவிக்கொள்ளவும். உங்கள் சருமத்தை சுற்றுச்சூழல் மாசில் இருந்து காக்கும் அதே நேரத்தில், சருமத்திற்கு கற்றாழை மாய்ஸ்சரைசிங் தன்மை அளிக்கும், லாக்மே 9 டூ 5 நேச்சுரலே லாஓ வேரா அக்வா ஜெல் சாதனத்தை பயன்படுத்துங்கள். கற்றாழையின் நற்குணங்கள் மற்றும் நாள் முழுவதும் யுவி கதிர்களில் இருந்து எஸ்.பி.எப் 20 பாதுகாப்பு அளித்து சருமத்தை நீர்த்தன்மையுடன் வைத்திருக்கும் சாதனத்தையும் நீங்கள் பயன்படுத்தலாம். உலர் மற்றும் கோடுகள் கொண்ட உதடுகளூக்கு வாசெலின் ஆலோ வேரா லிப் பாம் பயன்படுத்தவும். வெளியே பருவநிலை எப்படி இருந்தாலும் உதடுகளை மென்மையாக வைத்திருக்க இது உதவுகிறது.
கற்றாழை இருக்க அழகு பற்றிய கவலை வேண்டவே வேண்டாம்.
